نیں سمندر چهلک گیا کچی تند پهواروں
کچی تند پریت کے چرخےسچڑا شعر شماروں
کچی تند پریت کے چرخےسچڑا شعر شماروں
نانگا پیر کی چوٹی اپروں لوریں گاوے
یار میرو دلدار پیارو سوهنا شعر سناوے
یار میرو دلدار پیارو سوهنا شعر سناوے
ماں گجرانی کا بچڑا رے نانووں سدا جیئے گو
کدے رشید نا آنچ نیں آ سے سوهنا شعر لکهے گو
کدے رشید نا آنچ نیں آ سے سوهنا شعر لکهے گو
نوری چهم ادب کا تیرا بیت کمال پیارا
صدیاں توڑی لوک پڑهیں گا سچ خیال پیارا
صدیاں توڑی لوک پڑهیں گا سچ خیال پیارا
اکهر لکهیا کدے نیں مرتا لکهتو رهیے یارا
نین سمندر شعر جیں گا اکهر سدا بهارا
نین سمندر شعر جیں گا اکهر سدا بهارا
کچی تند پریت رے سوهنی ماں بولی وڈیاری
نین سمندر لهر بنائیے لکھ زبان پیاری
نین سمندر لهر بنائیے لکھ زبان پیاری
چنگیا تیں وی چنگو کرنو مردی کریئے مردا
محنت کاج سریرے سنگیا قلم نه دهریۓ مردا
محنت کاج سریرے سنگیا قلم نه دهریۓ مردا
شاخ تراشی شعر کی سوبهے آهلک ڈهل نه کرنی
چنگی بست سمار بنا کے هٹی اپر دهرنی
چنگی بست سمار بنا کے هٹی اپر دهرنی
هٹی اپر رکهن جوگی میلی نیں هوتی
گل اقبال عظیم هوراں کی دستی رهے اکھ چوتی
گل اقبال عظیم هوراں کی دستی رهے اکھ چوتی
فضل نا مان شاگرداں کو مچ سپهل کهیتی میری
ادب کے بحرالکاہل لہریں نین سمندر تیری.
ادب کے بحرالکاہل لہریں نین سمندر تیری.
No comments:
Post a Comment